Бергьенлъиялдаса буссурбабазул хьул къот1иялъе т1оцебесеб г1илла. Джиддаялъул Г1абду-ль-Г1азизиль ц1аралда бугеб университеталда, шариг1аталъул дарсазул муг1алим, Насих1 Г1ульванил т1ехьалдаса къокъ гьабун босараб.

Цебераг1и

Гьаб ахирияб заманаялда исламияб дин цебе т1езе къеркьеялде данде ч1олеб бищунго кlудияб данде чlеялдаса ккола, хьул къотlиялъул данде чlей. Батlалъи гьечlо, исламалъе гlоло жиб гьабулеб ва тlадегlанлъиялдеги, бергьенлъиялдеги жинца рачунеб щиб хlалтlулъ гьеб бугониги. Буссурбаби бергьине, гьезул рагlи тlадегlан букlине, шаргlалдалъун хlукму къотlизе, исламияб хlукумат базе бокьани, нилъер цоцадехун вацлъи цlикlкlине ккола ва цадахъ рекъон, жамагlаталда исламияб хlалтlи гьабизе ккола.

Цадахъ рекъон хlалтlи гьабиялдаса буссурбабазул хьул къотlун буго, хьул къотlиялъе сабабалги гьал руго:

1-Киналниги тущбаби цадахъ рекъон исламалда данде рагъи.
2-Исламияб жамагlатал рикьун рукlин.
3-Джигьадалъул къокъаялъе кигlан рагъаниги бергьенлъи щунгутlи.
4-Батlа кlанцlун чlеялъе ругел хlужаби рачин.

Нилъеца Аллагьасе бокьани баян гьабун гьеб ункъабго сабаб цо-цоккун бицина, цинги шарг1алъул нухалдасан гьелъие къимат кьела.

1. Киналниги тущбаби цадахъ рекъон исламалда данде рагъи

Исламияб г1амал гьабиялдасаги, фасатлъи лъик1лъиялде хисизабиялдасаги, бергьенлъи щвеялдасаги хьул къотlарал гlадамаз абула:

-Щиб нилъеда бажарулеб, щиб нилъеца хисизабулеб? Куфроялъул къуват цlикlкlун буго, нилъеца цо дагьабниги рагъа-рашари гьабуни гьел нилъеда тlалъулел руго, чlвалел руго, туснахъалъур тlамулел руго, гlакъуба кьолеб буго.

-Щиб нилъеда бажарулеб? Нилъедаса гьезул къуват цlикlкlараб буго, самолётал-вертолётал руго, танкаби-гlарадаби руго, батlи-батlияб ярагъ буго, нилъер кодоб щибго гьечlо.

-Щиб нилъеда бажарулеб? Боцlи мал гьезда кодоб буго, бусурбабазул ракьалда бугебги гьезул кверщалида буго, нефть гьезул кверщалида буго, буссурбабаз жидерго гlарац гьезул банказда лъолеб буго, цlунизе гьезухъе кьолеб буго.

-Щибха нилъеда бажарулеб? Сордо-къоялъ гьел нилъеда данде хlалтlулел руго, къуватги гьезухъ буго. Гьединал гlиллабаздалъун нилъерги хьул хьул къотlулеб буго.

Гьеб кинабго битlараб буго, амма, гьедин бугониги буссурманав чиясул хьул къотlизе бегьуларо. Жиндаго тlаде гlодобегlанлъиги хlакъирлъиги цlазе бегьуларо. Кафурзабазул къуват цlикlкlун бугин абун, Аллагьас тlад къараб жо тlубачlого тезе бегьуларо.

Щибха Аллагьас нилъеда тlад гьабун бугеб? Гьабизе кколеб жого гьечlищ нилъеца гьедин иш бугеб мехалъ? Аллагьас нилъ сундуе рижун ругел? Цохlо кваназеги, хlажат тlубазегийищ нилъ Аллагьас рижун ругел? Кваназейилан хlалтlун, хlалтlизейилан кванан, кидаллъизегlан нилъ гьедин рукlине ругел?
Гуро, нилъ Аллагьас г1ибадаталъе рижарал руго. Аллагьас абулеб буго:

(وما خلقت الجن والإنس إلا ليعبون ( الذاريات 56
Дица жундулги гlадамалги рижичlо диего гlибадаталъе гурони. Ал-зарият : 56

Кафур чи хlалтlулевги, вагъулев вуго гlарцуе гlоло, хъулухъалъе гlоло. Ахир руссунеб бак1ги гьезул жужахl буго. Нилъ бегьуларищ Аллагьасе гlоло хlалтlизе ва рагъизе. Гьелъухъ нилъер руссунеб бак1ги Алжан буго.
Воре нужер хьул къот1уге! Къураналда хьул къот1и х1арам гьабун буго.

(ولا تيأسوا من روح الله إنه لا ييئس من روح الله إلا القوم الكافرون) يوسف :87
Нужер хьул къот1уге Аллагьасул рах1маталдаса. Гьеб Аллагьасул рах1маталдаса хьулги къот1уларо Аллагьасда инкар ккураб, гьесул къудрат лъалареб къавмалъул гурони». Юсуф : 87

( قال ومن يقنط من رحمة ربه إلا الضالون ) الحجر :56
Ибрагьимица абуна: «Аллагьасул рах1маталдаса хьул къот1улев чи щивха вук1унев жидеда х1акъаб жо лъаларел, жидеда Бет1ергьан Аллагьги лъаларел г1адамал рук1ани гурони» Ал- х1ижр : 56

Нилъеда тарихалдасанги бихьулеб буго киг1ан зах1матаб х1ал буссурбабазда бугониги, гьелдаса хадубги бергьенлъи Аллагьас нилъехъе т1ад буссине гьабулеблъи.
Буссурбабазул г1емерисел шагьаразда т1ад салибияз (крестоносцы) бергьенлъи босун бук1ана, Къудсги бахъун бук1ана, цо къоялда жаниб бусурбабазул 70 000 чиги хъун вук1ана. Гьеб мехалъги буссурбабазул хьул къот1ун бук1ана, бергьенлъиялде хьулги бук1инч1о. Кинниги Аллагьас Салах1уддин Аюбиясул квералдалъун бусурбабазе бергьенлъиги кьун гьел т1адег1ан гьаруна, буссурбабахъе ханлъиги, бергьенлъиги нахъе буссана.

Аварагас (свалла Ллагьу г1алайгьи васаллам) умматалда рохел бицун буго т1адег1анлъиялъулги, ханлъиялъулги:

( ولا تهنوا ولا تحزنوا وأنتم الأعلون إن كنتم مؤمنين ) آل عمران :139
Нуж Аллагьасул диналъе г1оло джигьад гьабизе заг1ифаллъун рук1унге ва нужеда къварилъи щванин абун пашманлъун, х1акъаб нухаладаса нахъеги къаге. Х1акълъунго нуж куфараздаса бергьине руго ва гьезда т1адги рук1ине руго. Нуж х1акъикъияб иман лъурал ратани. Али-г1имран : 139

Буссинабуна Абу Г1абдурах1маница

ИА GURABA