Нижер мухбирас редакциялде бач1араб хабаралда рекъон, «Буйнакский РОВД» бандаялъул бет1ер, полковник Г1арип Г1алиев жанив вук1араб «Mercedes SLK» машина бикъараб бук1ун раг1ула. Гьединго машинаялда жаний Г1арипида цадахъ гьесул йокьулейги йик1ун йиго. Гьейги щварал ругъназдасан хванин бицана. К1иго ц1ураб магазин Калашниковасул автоматалъул биччан буго гьел жанир рук1арал машинаялде. Гьесул гьумер бат1а бахъизе лъалареб х1алалъ бук1ун раг1ула.

Ч1ик1аса, т1арикъаталъул устар Саг1ид Ацаевасул гьариялда рекъон Г1арип вукъун вуго тlасияб Гъазанущив, Сайфуллагь Къадил зияраталъув. Г1арипица цебего ц1ик1к1араб г1арац кьун бук1ун раг1улинги абулеб буго гьенив вукъизе живго теялъухъ. Сайфуллагь Къадил мадугьалихъ вукъиялъ жужах1алдаса хвасарлъизе хьул бук1ун батила факъирасул.

Ацаевасул цевесев ва цевегосев гьудулги, гьесул мюридги вук1анин бицана Г1арип. Лъаларо, чияр руччабигун хьвадизе бегьулареблъи малъизе к1очонищ тун бук1араб Саг1идида гьесухъе вирд кьолагояли. Г1ададе вук1ун гьеч1о Г1арип ахирисел соназ кафурзабигун рекъон шарг1алда данде вагъулев вук1арав. Шарг1алда рекъон, ч1ужу ячарав зиначиясул х1укму буго ч1имхал реч1ч1ун ч1вай. Лъиеха бокьилеб ч1имхал реч1ч1ун живго ч1вазе?

Гьесул нухмалъиялда гъоркь, Темирхан-шура жамаг1аталъул чанго муджагьид ч1ван вук1ана цодагьаб цебег1анги. Гьединго жанир т1амун, г1емерал г1олохъабазе кьураб г1акъубаялъулги мунагь буго гьев муртадасул габуралда.

Дагъистаналда «МВД» бандаялъул бет1ер Г1адилгерейил бак1алде вач1ине бегьулезул т1оцебесевги вук1анин абула гьев. Гьединлъидал, хъулухъалъе г1оло ч1ван ватиги бук1ине бегьулеб жо буго. Хъулухъалъе г1оло цояз цоял ч1вай бандитазда гьоркьоб билъун араб пиша буго.

Шариг1аталда данде гьев вагъи г1ажаиблъи гьабизе ккараб жо гуро. Гьесул устар Ацаевасул т1ехьалдаги хъван буго нилъер заманаялда шарг1 бук1инабизеян лъугьин г1ададисеб х1алт1и бугилан. Шарг1 бук1инабизе къеркьолел киназдего вагьабисталин абула гьес. Вагьабистал т1аг1инаризе ккани х1укуматгун рекъон къеркьезе кколинги хъван буго Саг1идил т1ехьалда.

ИА GURABA