Рак1алда щвезабила, анлъгоялдаса ц1ик1к1ун моц1алъ гьез Гендерил жамаг1аталда т1ад зулму гьабулеб буго. Гьединго Дагъистаналъул анлъго муг1рул районазул халкъалъеги къан буго тонелалдасан унеб нух. Къан бугин абизеги мух1канго бегьиларо, щайгурони, ГАИялъул бандитаз машинаби риччалел ругин бицана ришватги босун ( к1удияб машина 500 гъ, гьит1инаб 300), яги лъай-хъваялъул кумекалдалъун.

Гьединго  Нохчийчо  вилаяталдаги (Чечения) къо анаг1ан ц1ик1к1неб буго муджагьидазул шура-хъури. Араб хамиз (четверг) къоялъ Беноялда муджагьидаз гьабураб гьужумалдаса ригьиналде, Веденоялда кафурзабазул «МО» бандаялъул колоннаялде гьужум гьабун бугин бач1ана хабар.

AlKavkaz  изданиялъ амир Мугьаннадиде мугъч1вайги гьабун тасдикъ гьабуна гьениб бук1араб гьужум. Гьеб гьужумалъе нухмалъи гьабулеб бук1ун буго Кавказалъул Имараталъул, бакъ-баккул фронталъул, Ведено секторалъул амир Салимица. Гьелъие т1убараб х1адурлъи гьабун буго рагъул ишазул амирасул (Магас)  наиб Мугьаннадица.
 

Кавказцентралъул раг1абазда рекъон гьенив гъурун руго 15 кафир. AlKavkazалъ Мугьаннадиде мугъч1вайги гьабун бицараб хабаралда рекъонги 15-20 г1анасев кафир гъурун руго ва гьединго чанго рагъул машинаги кьвагьизабун, ярагьунареб х1ал гьабун буго.

Кафурзабаз къват1ибе кьураб хабаралда рекъон, Джумада Ссаниялъул 12 къоялъ (16 июнь) Чишки росдада аск1об муджагьидаз гъоркьч1елги гьабун кафурзабазул ФСБ бандаялъул колоннаялде гьабун буго гьужум. Кафурзабазул раг1абазда рекъон гьениб гъурун ругин бицана 8 кафурчи. Гьезул 3 ч1ван, ва 5 лъукъун. Рагъул техникаялъе ккараб заралалъул щибго бицунеб гьеч1о. ФСБ бандаялъе кумекалъе кафурзабаз гьаваялде рахъинарун рук1ун раг1ула вертолёталги.

  Гьебго къоялъ Агишбатой росдал раг1алдаги, Джохаралдаги (Грозный) тунка-х1унсиял кканин бицунеб буго кафурзабаз. Гьелъул х1асилалда цо муртад лъукъи гуреб, щибго ккеч1ин абулеб буго

 
Гьединго, кафурзабазул раг1абазда рекъон Джохаралъул Заводской районалда, подствольник гранатомёталдалъун гулаялъ лъукъун вуго кадыровасул «МВД» бандаялъул х1алт1ухъан. Бицунеб буго аск1осан унев вук1арав цоявги лъукъанин абун. Гьев больницаялда  хванинги бицана. Лъидасан гьев хваравали мух1канаб хабар жеги лъалеб гьеч1о.
 
Жеги х1алуцараб  х1ал бугин абизе бегьула Г1алг1айче (Ингушетия) вилаяталдаги. Гьениб, Малгобек районалда, Джумада Ссаниялъул 11 къоялъ (15 июнь), «МВД» бандаялъул машинаялде кьвагьун буго. Кафурзабаз бицана 1 муртад лъукъанин, ва 1 аск1осан унев вук1арав чиги хун вугин абун. Гьезде кьвагьараб «Мерседес» машина саг1аталъ цебе Карабулакалъул ДРСУялъул начальникасухъа бахъараб бук1ун раг1ула.

Сунжа районалдаги реч1ч1ун буго (гьанжесалалъ кафурзабазде), Джумада Ссаниялъул 12 къоялъул (16 июнь),  радакь г1ужалъ. Кафурзабаз бицана, цояв гьеб бак1алдаго хванин, цогияв бак1го лъукъун вугин абун.

Гьебго къоялъул радал Назраналда, кьвагьун буго «МВД» бандаялъул муртад жанив вук1араб машинаялде. Гьев лъукъун хут1анин бицана, кафурзабазе хъулухъалъе  ч1аразул раг1абазда рекъон.

 Гьединго Зязиковасда данде ч1аразул раг1абазда рекъон, чанго машинаялда рек1арал муджагьидаз гьужум гьабун буго «Назраналъул ГОВД» бандаялъул азбаралде. Гьенибе кьвагьун буго гранатомётаздалъун ва  т1ат1алаго кьвагьулеб ярагъалдалъунги. Щивго чиясе зарал ккун гьеч1ин бицунеб буго.  

Жидеего ккараб зарал бахчи ва гьереси бицин, гьеб буго кафурзабазулги, муртадазулги ругьунаб пиша. 

ИА GURABA