Кавказалъул Имараталъул бакъбаккул  (Амир Арсланбек) фронталдасан Кавказцентралде бач1араб харбида рекъон, джумада ссаниялъул микьабилеб къоялъул бакъанида (12 июнь 3 т1убараб заман), Ножай-юрт районалъул Беной росулъе жанире лъугьана муджагьидазул к1удияб къокъа.

Гьениб гьабураб гьужумалъул х1асилалда ч1вана 11 кадыровасул гъачагъ, лъукъана 17 дагь гьеч1еб чи. Кверде росана 13, гьезда гьоркьор чангоял ярагъгун, гьединго кафурзабазул хъулухъалда ругел росдал «х1акимзабиги».

Муджагьидаз гьужум гьабун буго къогониги минаялде, анц1го муртадасул рукъзалги рух1ун руго. 40 г1анасев муртадасул рукъзал хъирщунги руго.

Гьединго 40 г1анасеб бет1ер яргъил (автоматал, пулемётал, гранатомётал, снайперасул туманк1ал, винторезал), гранатомёталъул снарядал, патронал, рацияби рахъунги руго.

Муджагьидазул рахъалъан чанго чиясе к1вар гьеч1еб ругъун щвей гуреб, т1ок1аб щибго зарал ккун гьеч1о.

Муджагьидаз росдада сверун лъун рук1ун руго 7 пост ва 6 саг1аталъ рач1унел унел машинабазул хал гьабулеб бук1ун буго. Чанго хъачагъ гьезда гьоркьоса кверде росун руго, хут1арал гьит1инабго даг1ватги гьабун риччан тун руго.

Муртадазул рахъалъан щибго данде ч1ч1ей бук1ун гьеч1о. Кафурзабиги рач1ун раг1уларо заманалда гьезие кумекалъе. Кинабго х1алт1иги гьабун муджагьидаз росо къват1ибехун бахиндал, кафурзабазул вертолётал рач1ун Беноялъулги, Даргъоялъулги раг1аллъабаздеги рохьобехунги, муджагьидазда хадуб кьвагьун буго. Амма гьелъул щибго х1асил ккун раг1уларо.

Кафурзабазул харбида рекъон лъабго гурони рукъ бух1ун раг1уларо. Жеги лъабгояв ч1ванин, цояв лъукъанин, чанго ракълида г1умро гьабулев вачунги ун вугин хъвалеб буго гьез. Кисан гьел «ракълилазухъ» 40 г1анасеб яргъил бет1ер бук1арабали кинго бич1ч1изе к1олареб раг1и буго.

Рак1алде щвезабилин, кафурзабазулги, муртадазулги раг1уда божи, шарг1алда кинго бегьулеб жо гуро.