Цо чи вач1анила парикмахерасухъе расал рекъезаризе. Гара-ч1варулаго Аллагьасул бициналде бач1анила хабар.

Парикмахерас абунила:

-Дун божулароха Аллагь вук1иналда.

-Щай мун божулареван гьикъанила гьас?

-Гьеб бич1ч1изе зах1матаб жо гьеч1о. Къот1нор ругел г1адамазухъе балагьани бич1ч1ула дудаги Аллагь гьеч1еблъи.

Аллагь вук1аравани, гьалгощинал унтарал г1адамал рук1инароангури. Балагье эбел-эмен гьеч1ел лъималазухъ. Г1аламалда гьаб къварилъиги, зах1малъиги бук1инароангури х1акъикъаталдаги нилъ рокьулев Аллагь вук1аравани. Кин Аллагьас гьединаб зах1матаб х1ал халкъалъул бук1ине биччан толеб?

Цо дагьаб мехалъги ургъун даг1ба ккезе бокьич1ого вуц1ц1ун ч1анила гьавги. Парикмахерасул х1алт1и лъуг1арабго г1арацги кьун гьав къват1иве вахъанила. Къот1нове щведал гьасул бер реч1ч1анила кидаго бет1ералда квер хъвач1ев г1адав, хеч-хечарал расазул цо чиясде.

Цинги гьав парикмахерасухъе т1ад вуссанила ва абунила гьесда:

-Дун божуларо парикмахерал ругин абураб жоялда.

-Кин мун божуларев? Гьав дуда цеве вугев чи щивха парикмахер гурони?

-Гуро мун парикмахер! Гьел парикмахерал рук1ине кинго рес гьеч1о! Парикмахерал рук1аралани, гьадав чиясул хеч-хечарал, хадуб хъулухъго гьабич1ел расал рук1инароангури,-ян абунила гьас, дов, къот1нов вихьарав чиясде килищги бит1ун.

-Ле факъир, дида бараб жо щиб бугеб гьелъул? Кин дица дихъего вач1инч1ев чиясул расазе г1адлу гьабилеб?

-Гьеле гьебха дицаги абулеб бугеб. Аллагьасдего руссунарел, гьесде ах1иго баларел г1адамал кинха Аллагьасги къварилъиялдаса къват1ире рахъилел?

Маг1арул мац1алде буссинабуна абу Ах1мадица

ИА GURABA