 Бисмиллагьи ррах1мани ррах1им
Х1акълъунго, кинабниги рецц Аллагьасе буго, нилъеца Аллагьасе рецц гьабула гьесдаса кумекги, мунагьал чуриги т1алаб гьабула. Свалат салам лъеги Аварагасда нилъехъе рисалатгун вач1арав, Аллагьасул нухда джигьад гьабурав, гьесул агьлуялдаги асх1абзабадаги лъеги свалат салам, Абу бакр, Г1умар, Г1усман, Г1али жододаса Аллагь разилъаял, хвезег1ан жодоца джигьад гьабурал, гьелда хадуб…
Хириял диналъул вацал, буссурбабазда гьоркьоб г1емераб даг1ба раг1и буго джигьадалда хурхун, шагьидзабазда, гъазизабазда хурхун. Цебеги, гьанжеги г1емерал г1адамал, г1алимзаби, шайихзаби, имамзаби, устарзаби жидерго г1акъло-макъам бахаралъусан к1алъана ва к1алъалел руго джигьадалда хурхун, бат1и-бат1ияб хабарги бицун. Балагьараб мехалъ гьеб даг1ба-хабаралъул лъуг1елги гьеч1о, х1асилги бихьулеб гьеч1о цойиде ккараб пикруги гьеч1о. Амма къокъго абуни гьеб пикру цойиде ккун гут1иялъе г1илла буго, Аллагьасдаса ц1ик1к1ун гъолго г1алимзабиги, шайихзабиги, куфруялъукьги, гьезда кодоб бугеб ярагъалъукьги х1инкъи. Гьединлъидал куфруялъе бет1ерги къулун гьезие санаг1атаб хабарги бицунел, жидеца диналда нахъги рахчун, дунялалъул ишалги т1оралел г1алимзабаз бицунеб хабарги, жедеца бет1ер къварилъиялъулъги, зах1матлъиялъулъги, пашманлъиялъулъги, рохалилъги, унтиялъулъги, хвалилъги гьиц1го Аллагьасе гурони къулуларел, х1акъикъиял муъминзабаз бицунеб хабарги кидалго данде ккеч1о ва ккезе ресги гьеч1о. Гьанже гьединаб даг1баялда иш бугеб мехалъ, рач1аха нилъеда (буссурбабазда) нилъерго аварагас (свалла Ллагьу г1алайгьи ва саллам) аманат гьабураб къаг1идаялда гьеб суал цойиде ккезабизе.
Т1адег1анав Аллагьас къуръаналда абулеб буго:
إن الله اشترى من المؤمنين أنفسهم و أموالهم بأن لهم الجنة يقاتلون في سبيل الله فيقتلون
ويقتلون وعدا عليه حقا في التوراة ولاءنجيل والقرءآن ومن أوفى بعهده من الله فاستبشروا ببيعكم الذى بايعتم به وذلك هو الفوز العظيم) التوبة:111(
-«Х1акълъунго Аллагьас муъминзабазул нафсалги боц1иги бичун росана, гьезие гьелъухъ алжанги кьун, гьел Аллагьасул нухда рагъула, гьезги ч1вала ва гьелги ч1вала, х1акъаб къот1иялдалъун, къот1и гьабуна Аллагьас гьезие тавраталда,инжилалда,ва Къуръаналдаги. Аллагьасдаса жиндир къот1и т1убазабулев, щивха вугев? Гьеб нужеца даран гьабураб бича-хисиялдаса роха нуж! Ва к1удияб мурад т1убай буго гьеб»!
Цойги аяталда абулеб буго:
أفتؤمنون ببعض الكتاب و تكفرون ببعض ( البقرة: 85)
Нужеца къуръаналъул цо бут1аялда иманищ лъолеб, цойги бут1аялда инкарги ккун?
Иблисалда гьикъун буго, дуда къуръан лъалищ абун? Гьелъ ц1алун буго
(لا تقربوا الصلاة) абун бащдаб аят, гьелъул маг1на буго нуж какде аск1оре г1агарлъуге. Гьелда хадуб бугеб ц1алун гьеч1о (و أنتم سكارى) нуж мехтун ругеб мехальан абураб. Щай гурелъул гьелъ жиндиего къвариг1араб босана, хут1араб жибго тана. Нилъецаги нилъер нафсалъе данде кколеб босун, хут1араб жибго тани, нилъги щайт1абазда релъуна.
Аллагьас къуръаналда рехсолеб буго, нилъер нафсалъе бигьаябги зах1матабги, бокьулебги рихарабги, нилъер х1ал бихьизе, ва Гьесги абулеб буго:
كتب عليكم القتال و هو كره لكم
- «Ле муъминзаби капурзабаздехун рагъ бай, нужеда т1ад фарзлъун гьабуна, гьеб нужее зах1малъун, рихун бугониги».
Цойги аяталда абулеб буго:
فانكحوا ما طاب لكم من النساء مثنى و ثلث و ربع
Нужеца нужер нафсалъе рокьарал руччаби раче, к1и-к1и, лъаб-лъаб ва ункъ-ункъ.
Данде кквелинха гьал аятал;
Ч1ужу ячеян абураб жо нилъер нафсалъе рекъон ккола, нилъее гьеб бокьула гьелда г1амалги гьабула. Амма рагъ нилъеда рихана, нилъеца гьеб нахъе ч1вана, гьелда г1амалги гьабулеб гьеч1о.
Пикру гьабе бусурбаби, диналъул ваццал, гьеч1ищ нилъ Аллагьас абураб гьаб аяталда гъоркь кколел?
- «Нужеца къуръаналъул цо бут1аялда иманищ лъолеб, цойгияб нахъеги ч1ван»?
Гьеч1ищ нилъ шайт1аналъул нухда рилълъунел нилъеего данде кколеб босун хут1араб нахъе ч1ван?
Аллагьас нилъее тавфикъ, къуват кьейги кинабго къуръаналда г1амал гьабизе, нилъер нафсалъе бокьараб бук1а, рихараб бук1а. Нилъер нафсалъе рихаралдаса буго Аллагьасул нухда рагъи, рагъулаго ч1ван шагьидлъи. Аллагьасул нухда рагъизе, гьенир шагьидлъизе бокьунгут1и рек1елъе бач1ани Аллагьас нилъ г1одорег1ан гьарула ва нилъги х1акъирлъула, миск1инлъула, цойгидазде х1ажатлъула. Х1алихьатаб, къадараб жидер т1абиг1ат чорокаб къавмаялъе къулизе ккола. Кафураб, Аллагьасе мут1иг1лъулареб, нилъер лъик1ал, ц1аларал, г1елмуялда г1амал рекъарал г1алимзаби, гъазизаби, ч1варал къавмаялъе къулиялдаса г1одобег1анаб, х1акъираб жо щиб бугеб?
Имам Гъазимух1амад, Х1амзат, Мух1аммад, Нажмуддин, нилъер имамзаби гьел лъица ч1варал? Имам Шамил жидирго ракьги тун гьижра гьабиялъе сабаб щиб ккараб? Щай нилъеда нилъерго умумузул тарих хехго к1очон тараб? Дица нужеда бицунеб гьеч1о, коммунизма г1уц1улел рук1арал, маймалакалдасан рижанин г1адамалин тарбия кьолел рук1арал умумузул. Дица нужее бицунеб буго, Аллагьасул нух цебе бачунел гьелъие г1оло шагьидлъарал умумузул.
Балагье бусурбаби Палестинаялъухъ, Чачаназухъ, Афганазухъ, Г1иракъалъухъ. Пикру гьабе, ургъе гьеб къо нилъедеги бач1ине бегьула.
Нужеца абуни гьел Чачанал мекъал ругилан, дица нужеда абила гьел буссурбаби руго. Аллагьасда божулел, какги балел, к1алалги кколел. Амма гьезда т1аде рач1ун руго Аллагьасдаги Аварагасдаги (свалла Ллагьу г1алайгьи ва саллам) боржуларел, гьезда данде рагъулел кафурзаби. Киг1ан мекъав вугониги, бусурманчи лъик1ав вуго кафурчиясдаса.
Балагье бусурбаби нилъерго нафсалъухъе, ругодай унго-унголъунги нилъ бусурбаби? Щайдай нилъее Аллагьасул нухда рагъизе, гьениб дин ц1унулаго шагьидлъизе бокьулареб?
Цониги эбел-инсуе бокьулеб гьеч1о, жиндирго лъимер Аллагьасул нухда хвезе. Гьезда гьеб вах1шияб жолъун бихьулеб буго. Шагьидлъарав чиясдехун абула, -«огь факъир, дурго маг1ишатги гьабун берцинго щай вук1инч1ев», -абун. Аллагьас гьадиг1ан к1одо гьавурав шагьидасухъ, щай нилъ гьедин балагьулел, щай нилъеда гьелъул къимат лъалареб?
Гьанже г1енекке, нилъеца пакъиран абулев, г1адада хваравлъун рик1к1унев чиясде, Аллагьас щиб абулеб бугебали?
و لا تقولوا لمن يقتل في سبيل الله أموات بل أحياء و لكن لا تشعرون ( البقرة:154)
- «Нужеца абуге Аллагьасул нухда ч1варал г1адамал хун ругоян, гьел ч1агоял чаг1и руго, кинниги нужеда лъаларого буго».
Аллагьас аль-Г1имраналдаги абулеб буго:
و لا تحسبن الذين قتلوا في سبيل الله أمواتا بل أحياء عند ربهم يرزقون*
فرحين بما أتهم الله من فضله و يستبشرون بالذين لم يلحقوا بهم من خلفهم ألا خوف عليهم
ولا هم يحزنون* يستبشرون بنعمة من الله و فضل و أن الله لا يضيع أجر المؤمنين*
) 169-171 ( آل عمران
- «Дуда рак1алде ккоге, Аллагьасул нухда ч1варал чаг1и хун ругоян, гьел бет1ергьанасда аск1ор ч1аго руго, Аллагьас гьезие ризкъиги кьолеб буго».
Гьел шагьидзаби рохун руго Аллагьас кьураб кириялдаса ва ц1обалдасаги. Гьез рохелги бицунеб буго хадур рач1ине ругезда, жидее х1инкъиги гьеч1ин, пащманлъиги гьеч1ин.
Гьел рохун руго Аллагьасдасан бугеб ниг1маталдаса, ва гьелдаги т1аде бугеб ц1ик1к1елалдаса, ва х1акълъунго Аллагь муъминзабазул кири г1адада хвезабуларев вуго.
Гьебго аль-Г1имраналда Аллагьас бицунеб буго:
و لئن قتلتم في سبيل الله أو متم لمغفرة من الله و رحمة خير مما يجمعون * و لئن متم أو قتلتم لإلى الله تحشرون آل عمران؛158
Аллагьасул нухда нуж ч1вани, яги гьенир хвани, Аллагьасдасан бугеб мунагьал чуриги, гурх1иги нужее лъик1аб буго, нужеца данде бак1арулеб дунялалъул къайи-матах1алдаса. Нуж хвани, ялъуни ч1вани, Аллагьасда аск1оре рахъине гьарула х1исаб-суалалъе.
Абу Гьурайратица Аварагасдасан (свалла Ллагьу г1алайгьи васаллам), бицараб х1адис буго
عن أبي هريرة رضي الله عنه عن النبي صلى الله عليه و سلم قال: ((لا يكلم أحد في سبيل الله – والله أعلم بمن يكلم في سبيله – إلا جاء يوم القيامة و جرحه يثعب: اللون لون دم والريح ريح مسك))
Аллагьасул нухда лъукъарав чи, къиямасеб къоялъ гьев вач1ине вуго ругъунги чвахулаго, бидулги ц1ун, мискалъул мах1ги бахъун. Цогидал г1адамал, толох1очон т1ад жо гьеч1огон, х1ат1ида гьиц1го рахъине руго. Амма шагьид жиндирго рет1елгун, шагьидлъарав куцалъ вахъине вуго.
Аварагас (свалла Ллагьу г1алайгьи ва саллам) абуна шагьидасе анлъго жо буго Аллагьасда аск1об. Гьев Аллагьас к1одо гьавула цогидаздаса анлъго жоялдалъун;
- гьесул мунагьал чурула би баккигун цадахъ.
3-хабал г1азабалдаса ц1унула, къиямасеб къоялъул х1инкъиялдаса божаравлъун вук1уна.
6-Метер, къиямасеб къоялъ, 70 г1агарав чиясе шафаг1атги гьабула гьес.
Гьанже балагье буссурбаби, Аллагьас гьадин т1адег1ан шагьидги гьавураб къоялъ, нилъги х1инкъуца холел ругел къоялъ щив пакъир кколев, нилъиш яги гьевищ? Пикру гьабе нахъеги, шагьид хвел щварав чиясдаса нилъ рохизейищ кколел пашманлъизейищ? Шагьидасул эбел инсуде рохелищ бач1ун бугеб, къварилъийиш? Гьезда зигарайищ балеб яги рохелищ бицинеб? Х1акъикъаталда нилъ киналго шагьидасдаса роххизе ккола .
Абу Гьурайратидасан бицана:
عن أبي هريرة رضي الله عنه قال: جاء رجل إلى رسول الله صلى الله عليه و سلم فقال
: دلني على عمل يعدل الجهاد. قال: ((لا أجده)) قال: ((هل تستطيع إذا خرج المجاهد أن تدخل مسجدك فتقوم و لا تفتر و تصوم و لا تفطر؟!)) قال : و من يستطيع ذلك. قال أبو هريرة رضي الله عنه . إن فرس المجهد ليستن في طوله فيكتب له حسنات. رواه البخارى
Аварагасухъе (свалла Ллагьу г1алайгьи ва саллам) вач1ана цо чи, гьес абуна: - «дуца дида малъе джигьадалда бащалъулеб г1амал». Аварагас (свалла Ллагьу г1алайгьи ва саллам) абуна: - «гьеч1о гьелда бащалъулеб г1амал. Дуда бажарулищ, Муджагьид Аллагьасул нухде вахъарав мехалъ, Масджидалда жанивеги лъугьун, гьоркьоб къот1ич1ого какал разе, ва биччач1ого к1алги кквезе»? Гьес абуна: - «лъида гьеб бажарулеб»? Гьеб буго Аллагьасул нухда вугев муджагьидасул х1акъикъат, кидалго г1ибадат гьабулев чиясул мисал, гьоркьоб къот1и гьеч1еб.
Ух1удалда шагьидлъарал асх1абзабазул рух1ал тира сверулел рук1уна Алжаналда жанир, бокьараб кванан бокьараб гьекъон, гьез цоцада абун буго: - «лъица бицинеб нилъер дунялалда ругел вацазда нилъ ч1аго рук1ин, нилъее Аллагьас ризкъиги кьолеб бук1ин, гьезги джигьад теч1ого бук1ине? Аллагьас гьезда абуна дица щвезе гьабила гьезухъе нужер х1акъалъулъ. Гьеб мехалъ решт1ана гьаб аят:
و لا تحسبن الذين قتلوا في سبيل الله أمواتا بل أحياء عند ربهم يرزقون ) آل عمران:(169
Воре нужеда рак1алда ккоге, Аллагьасул нухда ч1варал чаг1и хун ругоян, гьел Аллагьасда аск1ор ч1аго руго, Аллагьас гьезие ризкъиги кьолеб буго.
Аварагас (свалла Ллагьу г1алайгьи ва саллам) абулеб буго: - «Шагьидасда ч1варав мехалъ унтизе гьеч1о, нужеда зинк1к1араб жо унтулебг1ан гурони».
Г1абдулагь ибну Мубарак (табиг1инав) джигьадалда вагъулев вугеб мехалъ, Фузайл ибну Г1ияз вук1ана Маккаялда г1умру гьабун. Гьев вук1ана кутакалда г1ибадат ц1ик1к1арав чи. Гьедин г1ибадат гьабулев чи гьесул заманаялъ вук1инч1о, ц1арцин лъун бук1ана гьесда Г1абидул х1арамайни абун, к1иябго х1арамалда ай Макка - Мадинаялда г1ибадат гьабулев чи абун. Г1абдулагь ибну Мубаракица хъвалеб буго, Фузайлихъе, гьал шиг1руялъул мухъал.
Ле, Макка - Мадинаялда г1ибадат гьабулев чи! Дуда ниж рихьани, дуда лъала мунго г1ибадатгун васандулев вугев чи вук1ин. Мун маг1оялъ к1аркьаби релъарав чи ватани, нижер керен бидуца белъун буго. Бат1улаб жоялъулъ рекеризун нужеца чуял сваказарулел ратани, нижеца джигьадалда рекерун сваказарулел руго.
Гьаб шиг1ру Фузайлица ц1аларабго гьесул бадиса маг1о чвахун бач1ана, ва гьес абуна: - «Г1абдуллагьица бит1араб бицун буго, дие насих1атги гьабун буго абун.
Аллагьас къураналда абулеб буго ух1удалда Аварагги асх1абзабиги къвиндал, гьезул рак1ал лъик1 гьарун гьезда зигара бан:
و لا تهنوا و لا تحزنوا و أنتم الأعلون إن كنتم مؤمنين* إن يمسسكم قرح فقد مس القوم قرح مثله و تلك الأيام نداولها بين الناس و ليعلم الله الذين ءامنوا و يتخذ منكم شهداء و الله لا يحب الظلمين* و ليمحص الله الذين ءامنوا و يمحق الكفرين * أم حسبتم أن تدخل الجنة و لما يعلم الله الذين جهدوا منكم و يعلم الصبرين آل عمران:142
Воре нуж заг1иплъуге, пашманлъуге, (къунин абун). Кинниги нуж т1адег1анал руго (Аллагьасда аск1ор), нужеца Аллагьасда иман лъолеб батани. Нужеда Ух1удалда ругъун лъун батани, Бадруялда кафурзабаздаги лъун бук1ана. Гьал къоял Аллагьас хисула, цо къо нужер буго, цойги къо гьезул буго. Аллагьасда лъазе нужер иман лъурав щив вугев, ва нужеда гьоркьоса шагьидзабиги росизе. Аллагьасе зулму чаг1и рокьуларо. Аллагьас муъминзабазул х1алги бихьизе, капурзабиги кьуч1дасан т1аг1инаризе. Нужеда рак1алде ккуниш бугеб алжаналда жанире лъугьине, Аллагьас нужер джигьад гьабуравги, сабру бугевги загьирги гьавич1ого.
Гьаб аяталдасан нилъеда бич1ч1улеб буго, шагьид хвел бокьарав чиясе щолареблъи, гьел руго Аллагьас гьоркьоса рищулел г1адамал.
Аварагасул асх1аб цо гъазаваталда вугеб мехалъ, гьесда бихьана цояб рахъалда ругел асх1абзабазде ч1орал реч1ч1улел ва гьев гьенивехун векерана, жиндагоги ч1ор щвезе, ай шагьидлъизе бокьун, амма гьесда гьеб щвеч1о. Гьев цоги рахъалдехун векерана, гьенибги швеч1о. Шагьид хвел т1алаб гьабун векераниги гьесие гьеб швеч1о. Амма нилъеда рак1алде ккезе бегьуларо гьесие кири шолароян. Рак1 бац1ц1адго вагъулев вугони, шагьидлъич1ониги Аллагьас гьев шагьидзабазул даражаялде щвезе гьавула, бусада вегун хваниги.
Джабирица бицана: - «ниж рук1ана Аварагасда (свалла Ллагьу г1алайгьи ва саллам) цадахъ цо гъазаваталда, ва гьес абуна: - Мадинаялда руго цо г1адамал нилъеда цадахъ рилъун к1к1ал къот1ич1ел, амма Аллагьас кириялъулъ нилъгун цадахъ г1ахьал гьарурал, унтун жал рокъор хут1арал».
Х1адисалъ нилъеда бицунеб буго, гъазаваталда къват1ире рахъинч1ониги, Аллагьас гьезул нияталъухъ, гьезие кири хъвараблъи.
Аварагас (свалла Ллагьу г1алайгьи ва саллам) абулеб буго: - «Шив чи вугониги Аллагьасда шагьид хвел гьарун рак1-рак1алъ, Аллагьас гьев шагьидзабазул даражаялде щвезе гьавула, бусада вегун хваниги.
Цойги х1адисалъулъ Аварагас абулеб буго: - «Щив чи хваниги жиндица джигьадги гьабич1ого, ва гьеб гьабизе жиндир ниятги гьеч1ого, гьев чи вуго мунафикълъиялъул г1аламатгун жив хварав чи».
Аллагьас нилъ киналго цебехун рехсараб х1адисалда гъорлъе кколеллъун ва к1иабилелдаса къват1ире рахъараллъун гьареги. Ва ссаламу г1алайкум ва рах1матуЛлагьи ва баракатугьу.
ИА GURABA |
