Суфияз абула: Жидер устарзабада жидерго муридазул х1ал лъалин, гьезда рак1алда рач1арал пикраби-хиялалги лъалин, гьезда хадуб ххалги гьез кколин, гьезул берзукьаги гьел рахчуларилан, гьебги, кир гьел рук1аниги, киг1ан г1емерал муридзаби рук1аниги, ва киг1анаб манзил к1ияздаго гьоркьоб бук1аниги. Гьеб жоялда гьезул рак1ги ч1ч1ола. Гьелъул бицарал къиссабаздаса цояб ккола, Г1абдулб-Г1азиз Аддаббагъица, жиндирго муридзабазде хит1аб гьабун абураб раг1и: «Нужеца, я диналъул, я дунялалъул нужеда т1аде рач1унел х1алаздасан, щибго жо дидаса бахчуге. Нужеца нужер кколел мунагьалцини дида рице, нужеца дида рицинч1они, дица рицина гьел нужода». (Аль-Ибриз: 238).
Гьездасан цояб ккола, Футияс абураб раг1иги: «Муридасул рак1 ч1ч1езе ккола жиндирго шайхасда, ва ц1орол шишаялда жаниб бугеб жо бихьулеб г1адин, гьесда жиндир киналго х1алал рихьулел рук1иналда».
«Муст1афал васасул вас, Мух1аммад ибн Г1абдуллагь Аль-Ханиясин абуни, ккезе бугеб жо ккелалдего бицунаан, гьес бицухъ ккезеги кколаан. Муридазул рак1алде рач1арал хат1аратазе (рак1алде рач1унел, бот1ролъ паркъулел пикраби, хивалал) гьев вук1ана ц1вакараб мат1улъун, г1иссиналги ч1ах1иялги жал, цо хут1ич1ого жаниб бихьулеб. Гьес муридасда гьесул ах1вал-х1алалъул кидаго ц1ехолароан. Гьелъул г1аксалда, гьес рицунаан муридасда гьесул хисулел х1алал» . (Жамиг1у-карамат аль авлияъ: 1/222-223/).
«Цо нухалда гьес, – ай Даббагъица, – дие дир ч1ужуялъул сифат-сурат бицана бот1рол т1оноц1алдасан бахъараб, х1ат1ал аххаде щвезег1ан, щибаб лага-лага ккун, т1ассан балагьун бихьулебги, бихьуда гьеч1еб бахчун бугебги. Х1акъикъаталда гьес сифат гьабурай г1адан йик1инеги йик1ана гьей. Щибго жо гьес т1адги лъеч1о т1ассаги бахъич1о. Гьелъие сифат гьабеян дида, – гьелъул росасда, - абурабани гьес гьабураб г1адин гьеб гьабизе дидаго к1везецин бук1инч1о. Валлагьи, гьесда цее ячун гьев гьелда балагьаравани, гьесда т1ок1аб т1аде ц1ик1к1ун лъазе гьелъул хут1араб жоги бук1инч1о. Гьесдасан гьей йик1ана 4 къойил нухалъ рик1к1ад. Гьесда кидаго берч1ван йихьарайги гьей йик1инч1о». (Аль-ибраз: 24).
صلىالله عليه وسلم – ва асх1абзабазул къиссаби ц1алидал, гьезул тарих кире-кире раккунги хъирщидал, нилъеда цониги батулеб гьеч1о Мух1аммад аварагасда – صلىالله عليه وسلم – бук1анин лъалеб жиндирго асх1абзабазул х1ал, кир гьел рук1аниги ва киг1ан г1емерал рук1анигиян абураб маг1на кьолеб бак1го. Батулеб гьеч1о гьединго, гьес жиндир асх1абазе бицунеб бук1анин гьезул лъудбузул загьирабги бахчарабги куц-сифат, цере гьелги рахъун ч1ч1езарун бицунеб г1анги дурусго, алхинч1ого ян хъвараб бак1ги. Гьелъул г1аксалда батулеб буго нилъеда, лъицаниги гьесда бицараб гуреб рик1араб жо, яги асх1абзабзабазул ах1вал-х1ал гьесда лъалеб бук1инч1ин абун.
صلىالله عليه وسلم – ч1ужуялъ Уммусаламатица бицун бач1араб х1адис:
"عن أم سلمة- رضىالله عنها – عن رسول الله – صلىالله عليه وسلم – انه سمع خصومة ببا ب حجرته فخرج اليهم فقال: انما أنا بشر: وانكم تختصمون الىّ فلعل بعضكم ان يكون ألحن بحجته من بعض فأقضى له على نحو ماأسمع. فمن قضيت له بحق مسلم فانما هى قطعة من النار فلي اخذ هاأ و ليتركها" /صحيح الجامع الصغير: رقم: 2342/
صلىالله عليه وسلم – жиндирго рукъалъул к1алт1а раг1ана цо даг1ба-раг1и, хъуй. Гьеб раг1арав чи вахъана гьев къват1ивехун. Къват1ир рук1ана гьес х1укму къот1изе гьесухъе рач1арал даг1бадулел г1адамал. Гьеб мехалда гьес абуна: «Дун вуго г1адамил лъимер, нуж дихъе рач1унел руго нужер даг1баялъе дица х1укму къот1изе. Нужер цояв вук1ине бегьула цойгиясдасан лъик1 берцинго, рекъезабун, махщалида жиндирго жо бицине лъалев, дицаги х1укму къот1ула дида раг1араб ва дие бицараб жоялда рекъон. Гьедин, дица лъиениги кколареб цойги буссурман чиясул х1акъ ккезабун х1укму къот1ани, гьеб бугоха дица гьесие ккезабулеб бугеб ц1адул кесек. Бокьани босе гьес гьеб, бокьич1они босуге», - ян. (Сах1их1ул – жамиг1: №2342).
"لايبلغنى أحد من أصحابى عن أحد شيئا فانّى أريد أ ن أ خرج اليكم وأ نا سليم الصّدر" /رواه احمد و أبوداود و الترمذى و ضعفه الالبانى فى ضعيف الجامع الصغير/
(Ах1мад, Абу Давуд, ат-Тирмизий)
صلىالله عليه وسلم – асх1абзабаз бицун гурони, бициндалги бицараб х1алалъ гурони, гьезулъ рак1азулъ бугебги, гьезда жаниб бугебги жо лъаларев инсан, ай Адамил лъимер вук1ин.
صلىالله عليه وسلم – гьадинаб бугеб мехалъ, цо зарраялъул къадаралъцин гьесдени щай гурин, гьесул бищун гьит1инав асх1абасдецйин рахунарел чаг1азул х1акъалъ щиб жо абизе бегьулеб? Намусго бугищ гьал т1арикъат чаг1азул хут1ун?
صلىالله عليه وسلم – Аллагьасул макъамалде жидерго устарзаби рахинари. Гьелде, ва инкар гьеч1ого гьеб къабул гьабиялде муридзаби гьез ругьун гьарулел руго къойил цо-цо к1и-к1и ч1имих реххун, ва гьелъие квер бакъулел адабал, шарт1ал лъун, гьел шарт1ал т1уразе муридзабиги т1амун. Цинги ахиралда кинабго жо жидер кверзукье босидал, устарасда кодор рух1 гьеч1еб алаталъун муридзабиги лъугьиндал, ахирияб лъидаго бицунареб жидерго балъгояб мурад гьабизе рес щвезе. Гьеб буго, исламги, буссурбабиги ва гьезул ракьалги, гьенир ругел т1абиг1иял бечелъабиги кафурзабазул квершаликье ккезари. Гьеч1одаян цо нужецаго ххал гьабе. Гьедин бук1ун гьеч1одай цебегиян бихьизе ц1але тарихалъул т1ахьал.
Гурабаялда хъвазе т1ехь къач1ана Абу Ах1мадица. Т1ехьалъул автор Г1абдуЛЛагь Мух1аммад ад-Дагъистани. Хадусеб бук1ине буго… ИА "GURABA"
