Дур лъабабилеб х1ужа ч1унгут1иялъе далилал:

Дуца абуни, дун джигьадалдаса ч1олин, вацасдаги, г1агарлъиялдасаги, гьудул-гьалмагъасдасаги ват1алъизе зах1матлъулеб бук1иналъ абун – дур гьеб каламги бат1улаб буго, дур х1ужаги жиб нахъе ч1вараб буго.

Дуца цебе ч1езабе кинабго халкъалда къиямасеб къо ч1араб мех - гьудул–гьалмагъзаби гьеб къоялъ тушбаби руго, Аллагьасукь х1инкъарал чаг1иниги хут1ун. Гьудуллъи Аллагьасе г1оло бугони, Аллагьас нуж г1иллиюналда данде гьарула даимаб ниг1матгун цадахъ. Нагагь гьудуллъи Аллагьасе г1оло батич1они, гьабсаг1атго цоцадаса рат1алъаниго лъик1 бук1ина. Щай абуни, щайгурелъул, къиямассеб къоялъ чи вахъине вуго жиндие вокьарав чигун цадахъ. Аллагьасукьа х1инкъараздаса гьудул вугони, гьес нилъее мунфаг1ат гьабула, къосараздаса вугони - гьес зарал гьабула ва нилъги к1алагъоркье реч1ч1изавула.

Гьаб дуниялалъул рокъобги гьудул-гьалмагъасдасан ккола рек1ел хвейги, къот1и т1убангут1иги, зах1матлъаби г1емерлъиги, дуе квешлъи гьабиги. Мун зах1малъи къварилъиялъулъ ккани – г1емерисез мун реххун тола. Гьел руго рохел бугони вацал, къварилъиялъулъ тушбаби. Гьезул гьудуллъи хурхараб буго бечелъиялда, дур боц1и дагьлъани гьезда мун ч1алг1уна, вацасгицин мун вацлъун рик1к1унаро.

Гьаб бицаралда мун шаклъани х1албихьиялда аск1об дуе гьеб якъинлъула. Амма рак1 бац1адав вацгун дур гьалмагълъи ккани, кирха гьел ругел? Яги гьудул-гьалмагъ жинца къот1 т1убулев – г ьевги дида вихьулев гьеч1о. Нагагь гьединал ратани – гьелгун нуж метер къиямасеб къоялъ Аллагьас абухъе рук1ине руго:

وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَى سُرُرٍ مُتَقَابِلِينَ (47)

Дица гьел муъминзабазул рак1азулъан кинабго ццин бахъин, тущманлъи, х1алхъублъи ва х1асад г1адал квешал сифатал нахъе рахъила. Цоцалъ рак1 жубарал вацаллъун рук1ина гьел алжаналъул тахазда г1одор ч1ун, цоцазда дандрит1ун цоцаде мугъ бач1ого рук1ина. (Алх1ижр-47).

Ва гьав фуланав чи! Гьудул-гьалмагъасе г1оло джигьадалдаса рокъов ч1езе бегьуларо. Дудаго лъач1ого нуж цоцадаса рат1алъизе бегьула, жакъа къойил бакъ т1ерхьиналде цебегоцин. Гьеб мехалъ дур кириги борч1ана, дуе вокьулев гьалмагъасдасаги мун ват1алъана. Мун пашманлъизе вуго ва гьеб пашманлъиялъ, борч1ун араб жо нахъе буссинабиялъе дуе щибго кумекги гьабуларо.

Саг1дил вас Сагьлудасан (жиндаса Аллагь разилъаяв) Аварагасул х1адис бицана. Аварагасухъе (салла Ллагьу г1алайгьи ва салам) Жабраил вач1ана, ва гьес абуна: «Ва Мух1амад! Аллагьас дудехун абулеб буго «дуца бокьарабг1ан г1умро гьабе мун хвезе вуго, дуе бокьарав чи вокьа мун гьесдаса ват1алъизе буго. Дуца бокьараб г1амал гьабе дуе гьелъухъ жазаъ гьабизе буго. Дуда лъай, х1акълъунго муъминчиясул хиралъи сардилъ вахъин буго. Гьесул т1адег1анлъи г1адамаздаса г1ун вук1ин буго».

Мун валагье гьал дагьаб раг1абаз щвей гьабун бугеб жоялде; хвел рехсей, рокьулел г1адамаздаса ват1алъи ва дуца гьабураб г1амалалда данде бук1унеб жазаъ. Гьаб х1инкъи кьеялдаса хадуб х1инкъи кьейго бугищ? Х1акълъунго гьелъулъ ваг1за буго г1акълу бугев чиясе.

Буссинабуна Абу Гlабдурахlманица

ИА GURABA