.jpg) Агьлу сунна вал джамаг1аталъул г1акъидаялдаса буго, х1акълъунго гьез щивниги чи буссурбабаздаса кафур гьавулареб бук1ин муг1аян гьавун ай, «мун кафур вуго», - абун яги «фуланав чи кафур вуго», - абун, жиндица кафурлъулебжо гьабурав вугониги. Лъиданиги куфроялъул мугьро ч1вазе бегьуларо, цин киналго шурут1алги т1уран, гьев кафур гьабиялдасанахъе ч1валел щинал г1иллабиги лъуг1ун, гьесие х1ужаги ч1ч1езабун, гьесул шубгьаги нахъе ун хадуб гурони. Жагьилаввати г1адаб яги аят мекъиса бич1ч1ун гьеб сверизабулев ( мутаавил) вати г1адал г1иллаби ругони – гьединавчиясеги куфроялдалъун х1кмо къот1изе бегьуларо.
Лъалеб жо буго, х1акълъунго гьел нилъеца рехсарал жал рук1уна балъгоял масъалабазулъ, загьирго жал лъаларел ишазулъ, ва гьеб лъайги, лъангут1иги заманаялдаги, бак1алдагибараб бук1уна. Гьединалишал х1ажалъула баян гьариялде ва загьир гьариялде. Амма, загьирал, чара гьеч1ого щибав буссурманав чиясда лъалел ишазулъ гьел нилъеца рехсарал шурут1ал къвариг1унаро. Масала, Аллагь вук1иналде инкар гьаби яги авараг (жинда ссвалат салам лъеяв) гьересигьави – гьединавчи ватани, гьесие х1ужа ч1езабизе кколаро, щайгурелъул, гьесуласлуго божунгут1и буго.
Ва гьединго, агьлу сунна вал джамаг1аталъ кафур гьавулурожинда х1ал гьабун куфроялъул раг1и ва пиша абураб яги гьабурав чи, гьесул рак1 иманалдалъун х1алхьунва иманалъулц1ун бук1аго. Ва гьединго агьлу сунна ва джамаг1аталъ кафур гьавуларо щивниги чи, жиб ширкалде бахинч1еб к1удияб мунагь гьабиялдалъун.
Т1адег1анав Аллагьас абулеб буго: «Х1акълъунго Аллагь т1аса лъугьунаро жиндие чи г1ах1ал гьавиялдаса (ай, ширк гьабиялдаса) ва т1аса лъугьун тола гьелда бахинч1еб мунагь, жиндиего бокьарав чиясе...».
Нагагь лагъ хвани ширкалде жал рахинч1ел мунагьалги гьарун ва гьес жиндицаго гьабулеб бук1араб мунагь бегьулеблъунги ч1ч1езабун гьеч1они Аллагьасе бокьани гьесие г1азаб кьола яги мунагьал чурун т1аса лъугьун тола.
Масала, зина гьабуни ва амма гьеб гьаби х1арамаб бук1иналъе мук1урлъигун цадахъ – гьесул иш Аллагьасде т1амун тола. Аллагьас гьесие г1азаб гьабизеги бегьула, г1азаб гьабич1ого т1аса лъугьун тезеги бегьула.
Аварагас (жинда ссвалат салам лъеяв) х1инкъи кьуна цояс цояв х1ужаги гьеч1ого кафур гьави сабаблъун. Аварагас (жинда ссвалат салам лъеяв) абуна: «Щив чи вугониги жиндица жиндирго вацасде «кафур вугин», - абун – гьеб раг1и гьел к1иязулго цояс баччула. Гьес абухъе батич1они, т1аде буссун жиндего бач1уна. Ва гьединго цойги х1адис буго. «Щив чи вугони муъминав чи кафур гьавун - гьеб буго гьев ч1вай г1адаб жо».
Шейхул ислам Ибну Таймиятица абуна: «Жив жагьилав мутаавиласулги (аятал рук1а, х1адисал рук1а хисизабулев чи, жагьиллъиялъ яги мекъиса бич1ч1иялъ) ва жиндие г1узро бугев чиясулги х1укмо бук1унаро, к1арччанлъиялъ т1ирун ч1ч1арав чиясулги ва къосарав чиясулги г1адаб. Аллагьас шибаб жоялъе къадар ч1ч1езабун буго», - абун.
Гьединго Ибн Таймиятица абуна: «Гьал жагьилзабазул ва гьезда релъаразул, цониги чи муг1аян гьавун (ай, мун абун) кафур гьабизе бегьуларо, гьез абураб раг1и шаклъи гьеч1еб куфро батаниги, гьесие х1ужа ч1езабун хадуб гурони, ва гьезие х1ужаялдалъун баян гьабила, х1акълъунго гьез аварагасе хилифлъи гьабулеб бук1ин.
Гьаб макъалаялда ругел Ибн Таймиятил цо-цо раг1аби росана «Мажмуг1атул фатаваялдаса».
ИA GURABA
|
