Дуда лъай, ле Аллагьас фарзлъун гьабураб джигьадалдаса хьул буссарав чи, бит1араб нухалдаса жив гьет1ерав чи - дуца бакка-бахъи гьабуна Аллагьасул рах1маталдаса рик1к1алъиялде. Аллагьасх1аги мун мах1румлъана талих1 бугев вук1иналдаса ва мурадалде щвеялдаса, гьелъие сабабги гьеч1о мун джигьадалдаса г1одов ч1ей тун бат1ияб.

Рагъдаса мун нахъе къаялъеги бах1арзазул гьужум гьабич1ого ч1еялъеги сабаб щиб бугеб? Аллагьасаул нухда нафсги, боц1и-малги кьезе бахиллъиялъе г1илла щиб бугеб?

Гьеб гьеч1о дунялалде хьул халалъиги, хвезе х1инкъиги, жиндие бокьулеб агьлу-боц1иялдаса, хъизан-лъималаздаса, цере тарал чаг1аздаса, вацаздаса, дудаго гурх1улев г1агарав чиясдаса ва дуе вокьулев гьалмагъасдаса ват1алъизе бокьунгут1и яги лъик1ал г1амалал ц1ик1инариги, берцинай ч1ужуги, к1удияб хъалаги, ч1ух1араб рет1елги, т1аг1амаб квенги бокьи гурони.

Гьал тун бат1иял сабабал гьеч1о мун джигьадалдаса рокъов г1одов ч1езе гьарулел ва, халкъалъулго Бет1ергьанасдаса мун рик1адги гьарулел. Аллагьасх1аги, гьеб дуца ккураб бак1 ц1акъ берцинаб бак1 гьеч1о.

Дуда раг1ич1ищ Аллагьасул калам:


Ва гьал иман лъурал г1адамал! Аллагьасул Расулас жигьад гьабизе рахъаян абураб мехалъ нуж щай ракьалда рек1арал г1адин бак1лъун ч1олел? Нуж ахиратги к1очон тун дунялалъул ч1аголъи т1асса бищун гьелда рак1 гъунищ ругел? Ахираталда бугеб алжаланалда данде ккун гьаб дунялалъул ч1аголъи ц1акъго файда гьеч1еб, къабих1аб жо буго. (Ат-тавба : 38)

Гьанже дуца г1ин т1аме ч1ван къот1арал х1ужабазукъ. Мун рокъов г1одов ч1езе гьеч1о Аллагьасул кириялдаса мах1рулъун гурони, мун нахъе вахъиялъе сабабги гьеч1о нафсги, щайт1анги гурони.


Дур т1осебесеб х1ужа, «дунялалде хьул халалъи ва хвезе х1инкъи» ч1унгут1иялъе далил:

Хьулги халалъун, хвел т1аде бач1иналдасаги х1инкъун мун ч1ун ватани, жиб рещт1инч1ого чара гьеч1еб хвалдаса ц1унун мун ватани - мун гьедин ч1ани гьеб дур иш бат1улаб буго, х1ужаги дур заг1ифаб, нахъе ч1вараб буго. Валлагьи цере иналъ чиясул г1умро къокъ гьабуларо, нахъе къаялъ ц1ик1к1инеги гьабуларо. Т1адег1анав Аллагьас абулеб буго:



Аллагьасул Аварагзабиги гьереси гьарурал, Аллагьасдаги иман лъеч1ел киналго умматазе жал гьалаг гьариялъе ц1араб г1уж буго. Цинги гьеб ц1араб заман жидеда т1аде щвараб мехалъ жал гьалаг гьари цох1о саг1аталъ нахъе бахъуларо, гьеб заман щвеч1ого жал хвезеги гьаруларо. (Ал-аг1раф : 34)

Гьединго Аллагьас абулеб буго:



Жиндир г1ажал т1аде щвараб нафс Аллагьас нахъе бахъун толаро. Гьев Аллагь жинда лъалев вуго нужеца гьабулеб кинабго г1амал. (Ал-мунафикун : 11).

Гьединго Аллагьас абулеб буго:



Кинабго нафс буго жинца хвел чIамизе бугеб ва ахираталда киналго диде руссинаризеги руго. (Ал-г1анкабут : 57)

Х1акълъунго хвалие мехтел нилъеда цебе буго, нилъ раккулеб бак1ги кутакаб буго, амма, нилъеда гьеб лъалеб гьеч1о. Х1акълъунго хобалъубги г1азаб бук1уна, лъик1ал г1адамал гурони гьелдасаги хвасарлъуларо. Хобалъуб к1иявго малаикасул суалги бук1уна.

Т1адег1анав Аллагьас абулеб буго:



Т1адег1анав Аллагьас, жидеца иман лъурал г1адамал дунялалъул ч1аголъиялъулъ ва ахираталдаги х1акъаб, бит1араб раг1иялда ч1езарула. Жидеца куфру-ширкалдалъун зулму гьабулел г1адамалги Аллагьас хъущт1изе, къосине гьарула. Х1акълъунго Аллагьас жиндие бокьараб жо гьабула. (Ибрагьим: 27).

Ахираталъул рокъобги к1удияб х1инкъи буго. Инсан талих1 бугев вук1уна алжаналъул ниг1матазулъе ккани, жужах1алъуве ккарав талих1 къварав вук1уна. Шагьид гьеб киналдасаго божаравлъун вук1уна, гьалаглъизарулел жалаздаса гьесие сундулго х1инкъиги бук1унаро. Рух1 бахъиги шагьидасда унтуларо, г1иц1го зинк1к1арабг1ан гурони.

Абу Гьурайратица Аварагасдасан (саллаллагьу г1алайгьи васаллам) бицана: - «Шагьидасда батуларо ч1ваялъулъ унти, нужер цоясда зинк1к1араб жоялъулъ батараб г1анасеб гурони.

Ле диналъул вац, мун щай г1одов ч1ун вугев гьал ресалги х1алт1изарич1ого? Гьелдаса хадуб хабал г1азабалдасаги ц1унула, лъик1аб вуссунев бак1алдалъун Аллагьасда аск1овги бергьуна, х1исаб суалалъул фитнаялдаса божаравлъунги вук1уна. Гьел шагьидзабиги Аллагьасда аск1ор ч1аго руго, гьезие ризкъиги буго, гьезие пашманлъиги, х1инкъиги гьеч1о. Гьел роххун рук1уна Аллагьас жидее кьураб т1ок1лъиялдаса, гьезул рух1алги г1урччинал х1анч1азул курмузда жанир Алжаналъур рук1уна. Киг1ан к1удияб бат1алъиха бугеб гьаб хирияб ч1ваялдаги, гьеб унтизабулеб хвелалдаги гьоркьоб?

Валлагьи, гьеб к1иялдаго гьоркьоб к1удияб манзил буго. Аллагьас тавфикъ кьурав - гьев вуго талих1 бугев чи.

Буссинабуна Абу Г1абдурах1маница

ИА GURABA