|
30.11.2008 |
 Т1адег1анав Аллагьас гьел мунафикъзабазул пардавалги т1ун г1одоре рехана ва гьезул балъголъабиги т1атинаруна къуръаналда жаниб. Ва жиндирго лагъзадерие жидер диналъул амрабиги баян гьаруна, гьел рук1ине къуъаналъул агьлулъун ва даимго жал гьелдалъун ц1унараллъунги. Ва Аллагьас рехсана суаратул Бакъараталъул байбихьуда, «г1адамал лъабабго тайпа рук1уна», - абун |
|
Продолжение...
|
|
|
28.11.2008 |
.jpg) Щибаб нафс жиб бижараб фит1раялда тани – гьелъ т1аса бищула Аллагь вук1ин, Аллагь вокьи, ва Гьесие г1ибадат гьаби ва сундалъунго гьесие ширк гьабич1ого бук1инги. Гьедин гьеб нафс бугониги, гьеб фасад гьабула ва бит1араб нухалдаса хъушт1изабула – гьелда берцин бихьизабула г1адамазулги жундузулги щайт1абаз, цояз цоязда вах1ю гьабун абулел берцинал, амма гьересиял раг1аби. |
|
Продолжение...
|
|
|
13.11.2008 |
 Т1адег1анав Аллагьас х1арам гьабуна алжан мушрикасе – х1акълъунго гьел мушрикал даимго рук1уна жужах1алъул ц1адар. Аллагьас абуна: «Гьев Аллагьасдехун жинца ширк гьабурав чи ва цойги щиб бугониги Аллагьасул бак1алда ч1езабураб, гьев чиясе Аллагьас алжан х1арам гьабун буго. Аллагьасдехун ширк гьабун, цойги жоялъе лагълъи гьабурав чиясул, ахираталда вуссунеб бак1 жужах1 буго. Аллагьасул амруялде г1ассилъун жидеца зулму гьабурал г1адамазе – ахираталда гьезие квербакъулев щивго чи вук1инаро». |
|
Продолжение...
|
|
|
10.11.2008 |
.jpg) Ва гьав фуланав чи! Гьудул-гьалмагъасе г1оло джигьадалдаса рокъов ч1езе бегьуларо. Дудаго лъач1ого нуж цоцадаса рат1алъизе бегьула, жакъа къойил бакъ т1ерхьиналде цебегоцин. Гьеб мехалъ дур кириги борч1ана, дуе вокьулев гьалмагъасдасаги мун ват1алъана. Мун пашманлъизе вуго ва гьеб пашманлъиялъ, борч1ун араб жо нахъе буссинабиялъе дуе щибго кумекги гьабуларо. |
|
Продолжение...
|
|
|
05.11.2008 |
|
 Гьав асх1абасда ц1ар буго Халид ибн Зайд ибн Кулайб, ва гьав ккола Бану Наджар абураб къабилаялдаса. Гьесул т1ок1ц1ар буго Абу Аюб. Вугищ буссурбабазда гьоркьов щивниги, жинда Абу Аюб лъаларев чи?! Т1адег1анав Аллагьас Магърибгун, Машрикъалда гьесул ц1ар т1обит1изабуна ва халкъалда гьоркьоб гьесул къадру-къимат т1адег1ан гьабуна. Гьеб гуребги, Аллагьас гьесул рукъ т1аса бищана, гьижра гьабун вач1унев Бичасул авараг (жинда ссвалат салам лъеяв) рещт1унеб бак1лъунги.
|
|
Продолжение...
|
|
|
03.11.2008 |
 Дунял т1аса бищарал г1адамазе берцин бихьизабун буго чорхое бокьулеб, гьава-нафсалъ т1алаб гьабулеб жо. Щиб гьеб абуни – руччаби руго гьел ва васалги руго ва г1емераб месед-г1арацалъул ва цойгидаб жоялъул хазинабиги руго, ч1ух1арал, тайпа ц1акъал чуялги руго. Х1айваналги руго ва хур-ахалги руго. Гьаб кинабго жо буго дунялалъул рукъалъул бечелъи, берцинлъи ва маг1ишат. ( Жиб хехго т1асан унеб, жинда щибго божи гьеч1еб, жиб сабаблъун г1емераб рек1ел къварилъи т1аде бач1унеб, жакъа бугониги метер т1асан унеб жо буго гьеб кинабго). Ва амма, Аллагь вуго муъминзабазе жинда аск1об ц1акъ берцинаб руссин бугев ва лъик1аб ажро-кириги бугев. |
|
Продолжение...
|
|
|
01.11.2008 |
 Гьижрияб анлъабилеб соналъ Бичасул аварагасда (жинда ссвалат салам лъеяв) рак1алде ккана даг1ват г1ат1ид гьабун, рик1к1а-рик1к1ад ругел г1адамал Исламалде ах1изе. Цинги микьго кагъат хъван, г1арабазулгун-г1ажамиязул ханзабазухъе гьебги босун чапарзаби рит1ана. Жиндихъе кагъат балагьизабурал микьгоязул цоявлъун вук1ана Сумамат ибн Усал. Сумамат вук1ана г1арабазул жагьилияб заманаялъ рук1арал ханзабазул цояв. Гьев вук1ана Бану Х1анифа тухумалъул цевехъанги, Еменалъул бут1рузул цоявги ва г1адамазда гъорлъ жиндир раг1и билъарав чиги. |
|
Продолжение...
|
|
|
30.10.2008 |
|
 Абу Х1анифал мазгьабалда рекъон закат кьезе ккола кинабго ракьулъан баккараб ниг1матаздасан, жибго баккараб хер ва гъвет1 хут1изег1ан. Жинда ссвалат салам лъеяв Аварагасул х1адисалъ нилъее мух1канлъи гьабун бицунеб буго, нилъецаго бекьун лъалъан раккарал ниг1матаздасан 20 бут1а гьабун цо бут1а кьезе кколин, амма, ц1адаца лъалъан раккарал ниг1матаздасан 10 бут1а гьабун цо бут1а кьезе кколин абун. Гьеб бут1аги кьезе ккола ниг1матал рак1арун лъуг1арабго.
|
|
Продолжение...
|
|
|
29.10.2008 |
 Умму Саламатил эмен ккола «Махзум» абулеб тухумалъул, т1адег1анал къадру-къимат бугел г1адамаздаса цоявлъун, ва г1арабиязул, рик1к1ен дагьал чаг1малал чаг1азул цоявлъунги. Х1атта гьесде абулаан «Нухлулазул х1ажат т1убалев чи», - абун, щайгурелъул, гьесухъе ине къасд гьабурал ва гьевгун цадахъ сафаралде рахъарал нухлулал цадахъ квен босиялде х1ажатлъунгут1иялъ. |
|
Продолжение...
|
|
|
28.10.2008 |
 Агьлу сунна вал джамаг1аталъул г1акъидаялдаса буго, х1акълъунго гьез щивниги чи буссурбабаздаса кафур гьавулареб бук1ин муг1аян гьавун ай, «мун кафур вуго», - абун яги «фуланав чи кафур вуго», - абун, жиндица кафурлъулебжо гьабурав вугониги. Лъиданиги куфроялъул мугьро ч1вазе бегьуларо, цин киналго шурут1алги т1уран, гьев кафур гьабиялдасанахъе ч1валел щинал г1иллабиги лъуг1ун, гьесие х1ужаги ч1ч1езабун, гьесул шубгьаги нахъе ун хадуб гурони. |
|
Продолжение...
|
|
|
25.10.2008 |
|
.jpg) Т1адег1анав Алагьас хирияб Къуръаналда жаниб х1акъаб дин баян гьабун буго, Аллагьасе бит1ун г1ибидат гьабиги бицун буго, файда г1емераб ваг1заги, г1елму гъваридаб г1акълуги, къимат к1удияб т1абиг1атги баян гьабун буго, берцинаб мац1алдалъун насих1атги гьабун буго.Гьеб кинабго буго лък1лъи бокьараб къавмалъе ва г1акълу бугеб жамаг1аталъе жидер дунялияб ва динияб ишалъулъ чара гьеч1ого гьел жинда х1ажалъулеб жо. Гьединлъидал, Къуръан буго Аллагьас решт1инарурал т1ахьазул бишунго лъик1аб, жиб даимго нахъе ц1унун хут1улеб, инсанасул киналго х1ажатазе жинца нух малъулеб далил ва имам (цевехъан).
|
|
Продолжение...
|
|
|
20.10.2008 |
 Нужеда лъай диналъул вацал, нужедаги дидаги Аллагьу Таг1ала гурх1аял, г1олохъанлъиялъулъе ва балугълъиялъулъе лъугьулев чиясе бищунго к1вар бугеб жо буго берцинал т1абиг1атал чорхолъ лъей, ва квешал, щайт1аниял т1абиг1атал нахъе рехиги. Ибну Сайрин абулев г1алимас абуна: «Цересел мутаг1илзабаз лъик1ал т1абиг1аталги, берцинаб хьвадиги лъазабиялда ях1 бахъулаан, г1елму лъазабиялда ях1 бахъулеб г1адин», - абун. |
|
Продолжение...
|
|
|
16.10.2008 |
 Имаму Загьабияс бицана Музаниясдасан: «Цо нухалъ дир рек1елъе Аллагьасда (ай тавх1идалда) хурхун цо масъалаялъулъ щаклъи бач1ана. Цинги дицаго дидаго абуна; «нагагьлъун гьаб щаклъи инабизе г1адамасда к1олеб бугони – гьев чи Имам аш-Шафиг1и вуго, т1ок1ав чиясда гьелъие х1ал к1оларо», - абун. Цинги дун гьесухъе анна, гьевги Мисриялъул(ай Египеталъул) масжидалда вук1ана. |
|
Продолжение...
|
|
|
12.10.2008 |
 «Нужеца Бараъ буссурбабазул аскаралда т1ад амирлъун тоге. Х1акълъунго гьес г1емер т1аде к1анц1изабун, нахъе къазе теч1ого аскар гьалаг гьабизе бегьула». (Г1умар ибн аль-Хат1аб, жиндаса Аллагь разилъаяв) Бараъ вук1ана къечхарал расазул, лъухъаб лагаялъул, х1алакъав, жиндихъе балагьарав чияс хеккого жиндаса бер нахъе босулев чи. Кинниги гьес цо-цоял данде рагъизе риччан рагъулаго нусго мушрик ч1вана, рагъ боркьараб, х1алуцараб маг1ракаталда ч1варал малъич1ого. |
|
Продолжение...
|
|
|
08.10.2008 |
.jpg) Цо къоялъ, къалъул г1ужалда Каг1ба сверун т1аваф гьабун, гьенир ругел хъанчаздаса баракат босизе арав Г1умайрида гьенив ватана Сафван ибн Умаййя, Х1ижру Исмаг1илалда аск1ов г1одов ч1ун. Цинги гьевгун г1одов ч1ун Бадралда ккараб ч1вай-хъваялъул, буссурбабаз жидерго ккун арал асирзабазул бицунел рук1аго, угьун х1ухьелги биччан Сафваница абуна: «Валлагьи, гьел хун хадуб г1умру гьабиялъулъ нилъее щибго лъик1лъиго гьеч1о», - абун. Гьеб мехалъ Г1умайрица абуна: «Валлагьи дуца бит1араб бицана», - абун.
|
|
Продолжение...
|
|
|
